ارسال

گۆڕانكاری كۆمه‌ڵایه‌تیی ده‌وڵه‌ت به‌دوای درێژه‌ی ناڕه‌زایه‌تییه‌كان له‌ توونێس


2018-01-14| ۱۳۹۶-۱۰-۲۴

به‌دوای خۆپیشاندانی جه‌ماوه‌ری خه‌ڵك له‌ توونێس له‌ ناڕه‌زایه‌تیی به‌ دۆخی ئابووریی ئه‌م وڵاته‌، ده‌وڵه‌تی توونێس هه‌ندێك گۆڕانكاریی كۆمه‌ڵایه‌تیی به‌مه‌به‌ستی باشتركردنی دۆخی ئابووریی ڕاگه‌یاند.
به‌وته‌ی كاربه‌ده‌ستانی توونێس، چه‌ندین به‌رنامه‌ له‌ بواری خزمه‌تگوزاری ده‌رمانی، ماڵ و هه‌روه‌ها چوونه‌سه‌ره‌وه‌ی یارمه‌تی به‌ توێژی هه‌ژاری كۆمه‌ڵگا ڕاده‌ستی په‌رله‌مانی ئه‌م وڵاته‌ كراوه‌. شاری توونێس، پێته‌ختی ئه‌م وڵاته‌ له‌ماوه‌ی چه‌ند ڕۆژی ڕابردوودا شایه‌تی چه‌ندین كۆبوونه‌وه‌ و خۆپیشاندانی جۆراوجۆر به‌ درووشمی دژی گه‌نده‌ڵی ئابووریی، گرانی و بێكاریی بووه‌. ئه‌م ناڕه‌زایه‌تییانه‌ پاش ڕاگه‌یاندنی بڕیاری ده‌وڵه‌ت بۆ بردنه‌سه‌رێ ماڵیاته‌كان په‌ره‌یسه‌ند. له‌ ئه‌نجامی ئه‌م ناڕه‌زایه‌تییانه‌ كه‌ له‌ لایه‌ن هێزه‌ ئه‌منییه‌كانه‌وه‌ به‌ره‌و توندووتیژی كێشرا، لانیكه‌م ٧٠٠ كه‌س ده‌ستبه‌سه‌ر و كه‌سێكیش كوژراوه‌.

دوایین هه‌واڵه‌كان