ارسال

درێژه‌ی ئاكسیۆنی ناڕه‌زایه‌تیی له‌ یونان


2018-01-14| ۱۳۹۶-۱۰-۲۴

له‌ درێژه‌ی ئاكسیۆنی ناڕه‌زایه‌تیی له‌ یونان دژبه‌ كۆماری ئیسلامیی، كۆمه‌ڵێك له‌ هه‌ڵسووڕاوانی سیاسی دانیشتوی یونان له‌ ڕێگه‌ی به‌ڕێوه‌بردنی كۆبوونه‌وه‌یه‌ك له‌ شاری "تێسالۆنیكی" له‌ دژی سیاسه‌تی سركوتگه‌رانه‌ی كۆماری ئیسلامی ناڕه‌زایه‌تییان ده‌ربڕی.
به‌شداربووان له‌م ئاكسیۆنه‌دا به‌ هه‌ڵواسینی چه‌ندین وێنه‌ له‌ ئێعدام، ئه‌شكه‌نجه‌ و جه‌نایه‌تی كۆماری ئیسلامی له‌ ئێران، وێڕای پشتیوانی له‌ ناڕه‌زایه‌تییه‌ جه‌ماوه‌ره‌كانی خه‌ڵك، له‌دژی كۆماری ئیسلامیی ناڕه‌زایه‌تیی ده‌ربڕی. ناڕازییان هه‌روه‌ها سه‌دان نووسراوه‌یان سه‌باره‌ت به ناوه‌رۆكی سیاسه‌تی دژه‌ خه‌ڵكی كۆماری ئیسلامیی و سركوتگه‌رییه‌كانی له‌ناو هاوڵاتیانی یونانی بڵاو كرده‌وه‌. شاری تێسالۆنیكی به‌ دووهه‌م گه‌وره‌ شاری یونان و گه‌شتیاری ئه‌م وڵاته‌ دێته‌ ئه‌ژمار كه‌ له‌ماوه‌ی ڕۆژانی دواییدا‌ میوانداری نوێنه‌ران و كاربه‌ده‌ستانی كۆماری ئیسلامی بوو.

دوایین هه‌واڵه‌كان