ارسال

به‌ڕێوه‌چوونی ٤٣ هه‌زار كۆبوونه‌وه‌ی ناڕه‌زایه‌تیی له‌ ماوه‌ی چوار ساڵی ڕابردوودا


2018-01-14| ۱۳۹۶-۱۰-۲۴

وته‌بێژی وه‌زاره‌تی ناوخۆ دانی به‌وه‌ دانا له‌ سه‌ره‌تای هاتنه‌ سه‌ركاری ده‌وڵه‌تی حه‌سه‌ن ڕووحانی ٤٣ هه‌زار كۆبوونه‌وه‌ی ناڕه‌زایه‌تیی به‌واتایه‌كی دیكه‌ هه‌موو ڕۆژێك نزیك ٣٠ كۆبوونه‌وه‌ له‌ ئێران به‌ڕێوه‌چوو.
ئه‌م ئاماره‌ له‌ حاڵێكدا ڕایگه‌یه‌ندراوه‌‌ كه‌ زۆربه‌ی ناڕازییان و هه‌ڵسووڕاوانی مه‌ده‌نی و پیشه‌یی و خۆیندكاران كه‌ له‌م كۆبوونه‌وه‌انه‌دا به‌شداریان كردووه‌، ده‌ستبه‌سه‌كراون یان خراونه‌ته‌ ژێر گوشاری قه‌زاییه‌وه‌‌. گرانی، گه‌نده‌ڵی، نه‌دانی حه‌قده‌ست و مه‌زایای كرێكاران، مۆعه‌لیمان، خانه‌نشینكراوان، داخرانی ناوه‌نده‌ به‌رهه‌مهێنه‌ره‌كان و كارخانه‌كان، له هۆكاره‌كانی كۆبوونه‌وه‌ ناڕه‌زایه‌تییه‌كان له‌ ماوه‌ی چه‌ند ساڵی ڕابردوودا بووه‌. له‌ مانگی گه‌لاوێژی ئه‌مساڵ‌، حسێن ساجێدی نیا سه‌رۆكی پێشووی هێزی ئینتزامیی تاران وتبووی، ته‌نیا له‌ ساڵی ٩٥ له‌ تاران هه‌زار و ٦٠٠ كۆبوونه‌وه‌ی ناڕه‌زایه‌تیی پیشه‌یی به‌ڕێوه‌چووه‌. له‌ هه‌مان كاتدا، به‌ دوای كۆبوونه‌وه‌ی سه‌رتاسه‌ری ئه‌م دواییانه‌ دژ به‌ كۆماری ئیسلامیی له‌ شاره‌كانی ئێران، شوڕای شاری تاران ڕۆژی ١٧ی مانگی به‌فرانبار گه‌ڵاڵێك بۆ دابین كردنی شوێنێك بۆ ده‌ربڕینی ناڕه‌زایه‌تیی گشتی په‌سه‌ندكرد. وته‌بێژی وه‌زاره‌تی ناوخۆ ڕۆژی شه‌ممه‌ له‌ئاست ئه‌م گه‌ڵاڵه‌یه‌ كاردانه‌وه‌ی نیشان دا و ناڕاسته‌وخۆ ڕه‌تی كرده‌وه‌.

دوایین هه‌واڵه‌كان