ارسال

درێژه‌ی شه‌پۆلی ئێعدامه‌كان له‌ زیندانه‌كانی ئێران


2017-07-16 | ۱۳۹۶-۰۴-۲۵

له‌ درێژه‌ی شه‌پۆلی ئێعدامه‌كان كه‌ له‌ دوو هه‌فته‌ له‌مه‌وبه‌ره‌وه‌ ده‌ستی پێكردووه‌، سێ به‌ندكراوی دیكه‌ له‌ چابه‌هار، زاهیدان و ئیرانشار ئێعدام كران.
ڕۆژی یه‌كشه‌ممه‌ ٢٥ی مانگی پووشپه‌ڕ هاوكات له‌گه‌ڵ په‌سه‌ندكرانی سه‌رجه‌م گه‌ڵاڵه‌ی كه‌مكردنه‌وه‌ی سزای ئێعدامی تاوانبارانی قاچاخی مه‌وادی مۆخه‌دێر له‌ مه‌جلێسی ڕژیم، به‌ندكراوێك به‌ تۆمه‌تی تاوانه‌كانی پێوه‌ندیدار به‌ مه‌وادی مۆخه‌دێر له‌ زیندانی چابه‌هار ئێعدام كرا. هاوكات دوو به‌ندكراوی دیكه‌ له‌ زیندانی ناوه‌ندی زاهیدان و كه‌سێكی دیكه‌ له‌ زیندانی ئیرانشار له‌ تۆمه‌تی هاوشێوه‌ ئێعدام كران. شایانی باسه‌ له‌ ماوه‌ی سێ ڕۆژی ڕابردوودا لانیكه‌م ٧ به‌ندكراو له‌ ئوستانی سیستان و به‌لوچستان ئێعدام كراون. ئێعدامی زیندانیانی پێوه‌ندیدار به مه‌وادی مۆخه‌دێر له‌ ئێران له‌ حاڵێدا درێژه‌ی هه‌یه‌ كه‌ سه‌رجه‌م گه‌ڵاڵه‌ی كه‌م كردنه‌وه‌ی سزای ئێعدام بۆ تاوانبارانی قاچاخی مه‌وادی مۆخه‌دێر له‌ مه‌جلێسی ڕژیم په‌سه‌ند كرا.

دوایین هه‌واڵه‌كان