ارسال

كۆبوونه‌وه‌ی كرێكارانی ده‌ركراوی كارخانه‌ی ڕۆنی نه‌باتی جه‌هان


2017-06-19 | ۱۳۹۶-۰۳-۲۹

به‌ پێی ڕاپۆرتی هه‌واڵنێریی ئیلنا، ڕۆژی یه‌كشه‌ممه‌ ده‌یان كه‌س له‌ كرێكارانی ده‌ركراوی ڕۆنی نه‌باتیی جه‌هان، له‌ ناڕه‌زایه‌تیی به‌ بێكاربوونیان و نه‌گه‌ڕانه‌وه‌ بۆ سه‌ر كار و نه‌درانی هه‌قده‌ست و مه‌زایاكانیان، له‌ به‌رامبه‌ر ئۆستانداریی زه‌نجان كۆبوونه‌وه‌.
به‌دوای تێپه‌ڕبوونی پێنج مانگ به‌سه‌ر بیلاته‌كلیفی ٨٠ كرێكاری كارخانه‌ی ڕۆنی نه‌باتی جه‌هان، ڕۆژی یه‌كشه‌ممه‌ ئه‌م كرێكارانه‌ بۆ وه‌رگرتنی حه‌ق و حقووقه‌كانیان و ده‌ربڕینی ناڕه‌زایه‌تیی له‌ئاست عه‌مه‌لكه‌ردی به‌رپرسانی ئۆستانی سه‌باره‌ت به‌ گه‌ڕانه‌وه‌یان بۆ سه‌ر كار، سه‌ره‌ڕای به‌ڵێنی به‌رپرسان، له‌ به‌رامبه‌ر ئۆستانداریی زه‌نجان كۆبوونه‌وه‌. به‌وته‌ی كرێكارانی ناڕازیی له‌ مانگی سه‌رماوه‌زی پاره‌كه‌وه‌ هه‌تا ئێستا، كارفه‌رما به‌ بیانووی پڕوپووچ ئه‌وانی له‌سه‌ر كار ده‌كردووه‌ و خۆ له‌ دانی هه‌قده‌ست و مه‌زایاكانیان ده‌بوێرێت. هه‌روه‌ها كارفه‌رما له‌ ٢٠ مانگ له‌مه‌وبه‌ره‌وه‌، حه‌قی بیمه‌كانیانی نه‌كردووه‌ته‌ حیسابی ڕێكخراوی دابین كردنی كۆمه‌ڵایه‌تیی و كرێكاران بۆ درێژكردنه‌وه‌ ده‌فته‌رچه‌كانیان له‌گه‌ڵ كێشه‌ به‌ره‌وڕوو بوونه‌ته‌وه‌.

دوایین هه‌واڵه‌كان