ارسال

درێژه‌ی كۆبوونه‌وه‌ی كرێكارانی دامه‌زراوه‌ی نه‌یشكه‌ری هه‌فت ته‌په‌


2017-06-19 | ۱۳۹۶-۰۳-۲۹

كۆبوونه‌وه‌ی كرێكارانی شاغڵ و خانه‌نشینكراوی دامه‌زراوه‌ی "نه‌یشه‌كه‌ری هه‌فت ته‌په‌" له‌ ناڕه‌زاه‌یه‌تیی به‌ سه‌رنج نه‌دانی به‌ڕێوه‌به‌رانی ئه‌م ناوه‌نده‌ له‌ئاست نه‌درانی هه‌قده‌ست و مه‌زایاكانیان، ڕۆژی دووشه‌ممه‌ ٢٩ی مانگی جۆزه‌ردان هه‌روا به‌رده‌وام بوو.
ده‌وری ٢٠٠ كه‌س له‌ كرێكارانی ڕه‌سمیی و ڕۆژمۆزدی شاغڵ له‌ به‌شی سه‌نعه‌تی دامه‌زراوه‌ی نه‌یشكه‌ری هه‌فت ته‌په‌ كه‌ له‌م كۆبوونه‌وه‌دا به‌شداریان كردووه‌ ده‌ڵێن، كارفه‌رما هه‌قده‌ست پێوه‌ندیدار به‌ مانگه‌كانی ڕێبه‌ندان و ڕه‌شه‌مه‌ی ساڵه‌كانی ٩٤ و ٩٥یان هه‌تا ئێستا پێنه‌داوه‌. هۆكارێكی دیكه‌ی ناڕه‌زاه‌یه‌تی ئه‌م كرێكارانه‌، پێوه‌ندی هه‌یه‌ به‌ تێنه‌كرانی حه‌قی بیمه‌كه‌یان به‌ حیسابی ڕێكخراوی دابین كردنی كۆمه‌ڵایه‌تییه‌وه‌ كه‌ كێشه‌ی زۆری بۆ ئه‌م كرێكارانه‌ پێك هێناوه‌. هه‌روه‌ها كرێكارانی خانه‌نشینكراویش خوازیاری درانی به‌شی ٤ له‌سه‌دی حه‌قی خانه‌نشینیان به‌ ڕێكخراوی دابین كردنی كۆمه‌ڵایه‌تیی و هه‌روه‌ها دانی پاداشی به‌هره‌به‌رداری ساڵه‌كانی ٩٤ و ٩٥یان بوون. به‌ وته‌ی كرێكارانی ناڕازیی، هه‌تا ئێستا له‌ لایه‌ن به‌ڕێوه‌به‌رایه‌تیی دامه‌زراوه‌ی نه‌یشكه‌ری هه‌فت ته‌په‌ و به‌رپرسانی شارستانی و ئۆستانییه‌وه‌ هیچ وه‌ڵامێكی دیاریكراو به‌ ویست و داواكارییه‌كانیان نه‌دراوه‌ته‌وه‌ و هه‌ر ئه‌مه‌ش بووه‌ته ‌هۆی ئه‌وه‌یكه‌ ناڕه‌زایه‌تییه‌كه‌یان درێژه‌ی په‌یدا بكات.

دوایین هه‌واڵه‌كان