ارسال

به‌یانییه‌ی یه‌كێتی نێونه‌ته‌وه‌یی له‌ ناڕه‌زایه‌تیی به‌ گه‌ڕاندنه‌وه‌ی ڕه‌زا شه‌هابی و مه‌حموود ساڵحی بۆ زیندان


2017-11-13| ۱۳۹۶-۰۸-۲۲

"یه‌كێتی نێونه‌ته‌وه‌یی بۆ پشتیوانی له‌ كرێكاران له‌ ئێران" به‌ بڵاوكردنه‌وه‌ی به‌یانییه‌ك، گه‌ڕاندنه‌وه‌ی مه‌حموود ساڵحی و ڕه‌زا شه‌هابی بۆ زیندان و به‌ زنجیر كێشرانی هه‌ڵسووڕاوانی كرێكاری به‌ توندی مه‌حكووم كرد و جه‌ختیكرده‌وه‌، پشتیوانی چینایه‌تی به‌ربڵاو، هه‌مه‌ لایه‌نه‌ و بێ وچان ده‌توانێت زامنی ئازادی ئه‌م ئازیزانه‌ و هه‌ڵسووڕاوانی به‌ندكراوی دیكه‌ بێت.
له‌ به‌شێك له‌م به‌یانییه‌دا هاتووه‌، "سه‌ره‌ڕای ته‌حه‌مولی بارودۆخی زۆر خراپ و نه‌خۆشی جۆراوجۆر، وره‌ی مه‌حموود ساڵحی و ڕه‌زا شه‌هابی هه‌روا به‌رزه‌ و ته‌سلیم نه‌بوون. به‌م پێیه‌ ئه‌ركی هه‌موومانه‌ كه‌ نه‌ ته‌نها به‌ تووندی سه‌رجه‌م به‌ زنجیر كێشرانی هه‌ڵسووڕاوانی كرێكاری له‌ ئاستێكی به‌ربڵاودا ئیفشا و مه‌حكووم بكه‌ین، به‌ڵكوو له‌ هه‌مان كاتدا سیاسه‌ته‌ دژه‌ كرێكارییه‌كانی كۆماری ئیسلامی زیاتر ڕیسوا بكه‌ین. كۆماری ئیسلامی به‌رپرسی گیانی "مه‌حموود ساڵحی و ڕه‌زا شه‌هابی"یه‌.

دوایین هه‌واڵه‌كان